سري جدًّا إلى البحر
كلمات الشاعر الصعيدي : هشام الجخ
و بنقولّه يا بحر
ليه الموج فى عِز الهُوج ما بيخلِّصش
و المِلح سَد وِدانك و دانَك لَجل ما تخلِّصش
يا بحر كام ألف بِت زَغزَغت رِجليها
و رَفعت عنها الحِجاب
و لَزقت فُستانها بالعاني على ضَهرها
و جَرحت رِجل الواد اللّي جِري في ضَهرها
و عَملت مِلحَك دَوا
و اللّي جِراحُه هوى مالهوش طبيب غيرَك
طب ليه بِتِبْخَل عليّا
مع إِنْ نــانــا صبيّة
زَغزَغت رِجليها و رَفعت عَنها الحِجاب
و لزقت فستانها بالعاني على ضهرها
و دَبَحتِني في مَهرها و دفعتِلَك راضي
خلّيتلي حبي قضيّة وعملتلي قاضي
وكَويت بِملحَك جَرحي كِيف الدَّبْح
مِن مِيتَى يا بحر الِجراح بتطيب بِحّبة مَلح
و أنا أَصلي واخد ع الـوَجَع ..
و أمَّا الجِـراح بِتْصيـب جَـدَع ..
بيصِير وجَعْهَا بــــ مِيت وَجَع
تعرف يا بحر الـ مِيت وَجَع !
وَجَع اللي حَبّيتها وسابِتني
وَجَّع اللى بعنِيها سَبِتني ..
وَجَع اللي عَمَلِت مِنّي رَمل في قَعر جُوفَك رسَّبتني ..
و تُسعُمِيت مِليُون وَجَع للذكرَيات ..
أصْل المحبّة يا بحر مِش فَترة وتعَدّي
دي عُمر شايِل صوت هِزاري و غُلب جَدّي ..
فِكر طايِح يوم يِجيب و شهور يِوَدِّي ..
و تُسعُمِيت مِليُون وَجَع ..
عَدَد المحَارة و الوَدَع
عَدَد الكلام مِن بين شَفَايِفها الجُمَال
عَدَد الشَّماسي والكَراسي والبَنات ..
عَدَد الرِّمال عَدَد المَطر يا أبو قَلب أقسى مِن الحَجَر ..
كُل اللي فَاكرينَك بتجَمَّع للحَبَايِب شَملُهم ...
عَالَم بَقَرْ
ما أنا جِبتَهَالَك .. مِشْ جِبتَهَالَك ؟! ..
شَهِّد الشّمس اللي لِسّة سَمارها فوق ضَهري تقُولَّك
إِنّي يا بحر ائتَمَنتَك جِبتَهَالَك
ولاّ ليه شَهِّد رِمَالَك
عَلِّي صوتَك سَمَّع الرّمل اللي مَدبوح مِن قَساوتَك
و اندَهُه و إِن كان يِجاوِب اسألُه
فين قُصور الواد دَاهُه
هيقُولولَك ما إنت يا بحر اللي هَدِّيتها
وسَوِّيتها بِباقي الشَّط
هيقُولولَك هُوَّ هُوَّ المُوج يا بحر
زَي ما جَمَّع حَبايِب زَي ما كَسَّر قُصور
بَس النُّوبَة دي يا بحر مُوجَك القَاسي كَسَرني
هُوَّ أنا ناقِص كُسور
لَو تِعَرّينى يا بَحر تِلْقَى جُوّايا بَنات مَالْها عَدَد
ولا اتكَسَرتِش
زَي ما تقُول جِسمي نَحَس مِن الحَريم وبَقيت وَتَـد ..
بس النّوبَة دي ما انتَصَرتِش
بَعتِرفلَك يا هَوَى البحر إِنّي مَغلوب النٌّوبَة دي
بَس خَلّيك واعي دايمًا وافتِكِر مين اللي بادي
ومِن اللّيلادي لا إِنتَ صاحبي ولا أعرِفَك
إِيّاك تِشُوفني بِبِنتْ حِلوَة وتُطلُب إِنّي أعَرفَّك
صَبرَك عَلَيّا
و هـ اكشِفَك و هــ جرِسَك و هـ جَرِفَك و هـ جَوِفَك و هـ كَتِفَك
كِيِفْ الذَلِيل
مِن اللّيلادي سَماك يا بَحر هتِبقَى لِيل
مِن اللّيلادِى هـ أطفِّي شَمسَك و أطمِس الدُّنيا ونَهَارها
" نَـانَـا " مـاتِت
بَس فاضِل لِسّة نارْها
و العَزَا عالِق ما بِيني و بِينَك إنتَ
والله مَا هَقبَل عَزاك
قَبل ماخُد بإيدي
تَـارهَـا .
المصدر : [ندعوك للتسجيل في المنتدى أو التعريف بنفسك لمعاينة هذا الرابط] - masrstars.com
الثلاثاء 04 سبتمبر 2018, 7:05 am من طرف مصطفى مرسى
» كل اللى شغلك محتاجه فى موقع الكترونى واحد
الأربعاء 19 يوليو 2017, 10:30 pm من طرف greenit
» مســـــــابقـــــــــه
الإثنين 24 أبريل 2017, 7:21 pm من طرف فاتن
» سكربت موقع بيزات للاعلانات المبوبة الاصدار 2.5
الخميس 15 يناير 2015, 6:59 pm من طرف greenit
» قصيدة العزف على الوتر الأخير للشاعر المرحوم محمد صان الدين
الخميس 16 يناير 2014, 9:11 am من طرف upaupa
» برنامج مبيعات و مخازن
الجمعة 20 ديسمبر 2013, 9:10 am من طرف برمجيات سوفت
» الفرق بين التسويق الالكتروني و التسويق الاسترتيجي
الأربعاء 13 فبراير 2013, 3:29 am من طرف مصطفى مرسى
» بمناسبة ذكرى وفاة د.ابراهيم الفقي رحمه الله يقدم المركز الكندي منحة ابراهيم الفقي
الأربعاء 13 فبراير 2013, 3:05 am من طرف مصطفى مرسى
» عايز تعمل دبلومه دبلومه فنى مساحه – دبلومه فنى انشاءات مدنيه ومعماريه – دبلومه فنى حفر وتكرير البترول – دبلومه اخصائى صيانه حاسب الى وشبكات دبلومه اللحام معتمده من اكاديميه اللحام المصريه ؟
الأحد 23 سبتمبر 2012, 8:34 pm من طرف كريم يزيد
» الحــــــــــــــــــــــــــــــــــــــــــــــــــب
السبت 22 سبتمبر 2012, 6:07 pm من طرف sub_zero
» مطربك بشكل جديد
الثلاثاء 04 سبتمبر 2012, 9:25 pm من طرف عبير الورد
» ماذا تعرف عن صخرة ديان؟
الثلاثاء 04 سبتمبر 2012, 9:01 pm من طرف عبير الورد
» تعارف السوهاجيه
الجمعة 20 يوليو 2012, 8:40 pm من طرف sub_zero
» سبحان الله:المدير الفنى لنيوكاسل يطالب ناديه ببناء "مسجد" للاعبيه المسلمين
الأربعاء 16 مايو 2012, 5:24 pm من طرف sub_zero
» حلايب وشلاتين مصرية أم سودانية؟!
الجمعة 23 مارس 2012, 5:32 pm من طرف sub_zero