من طرف تحديث
أخلت نيابة سيدى جابر بالإسكندرية سبيل الشرطيين المتهمين بقتل
الشاب خالد سعيد (28 سنة) من سراياها
لا تعليق
___________
تحديث
دي رواية أم خالد
كشفت السيدة ليلى مرزوق والدة خالد محمد سعيد (شهيد الطوارئ)
الأسباب الحقيقية وراء مقتل ابنها على يد ضابط شرطة ومخبرين اثنين، وقالت
إنه "حصل على فيديو يحتوي على لقطات لأحد ضباط قسم سيدي جابر والمخبرين،
وهم يقومون بالاتجار في الحشيش وقام بنشر الفيديو بين أصدقائه وذلك منذ
حوالي شهر، وقال إنه سوف يدشن مدونة لفضح الضابط والمخبرين"، وتتابع والدة
خالد "قمت بتحذيره أكثر من مره من نشر هذا الفيديو حتى لا يقوموا بإيذائه"،
وأبدت دهشتها لأنهم "لم يهددوه قبل يوم الحادث إلا أنهم دخلوا عليه فجأة
وانهالوا عليه ضربا".
[ندعوك للتسجيل في المنتدى أو التعريف بنفسك لمعاينة هذه الصورة]
___________
تحديث
رواية قسم الشرطة عن مقتل خالد
والتي أكدتها النيابة
كشفت تحقيقات النيابة، أنه أثناء مرور قوة من وحدة مباحث سيدى جابر بالإسكندرية لمتابعة الحالة الأمنية، شاهدت كلاً من خالد محمد سعيد "المتوفى" سابق اتهامه فى 4 قضايا سرقة وحيازة سلاح أبيض وتعرض لأنثى بالطريق العام وهروب من الخدمة العسكرية ومطلوب ضبطه فى حكمين بالحبس شهراً فى قضيتى حيازة سلاح أبيض وسرقة، وموظف بشركة بترول (26 سنة) سابق اتهامه فى إيصالات أمانة ومشهور عنهما الاتجار فى المواد المخدرة، وبحوزة الأول لفافة يشتبه أن يكون بها مادة مخدرة، وعند محاولة استيقافه فر هارباً، إلا أن شرطيين تمكنا من ضبطه وحاولا تحريز اللفافة التى معه، لكنه ابتلعها ليصاب بحالة إعياء شديدة نقلاه على إثرها بمساعدة بعض الأهالى للمستشفى الجامعى بسيارة إسعاف، إلا أنه كان فارق الحياة، وسؤال الموظف وشهود العيان أكدوا مضمون ما سبق
وقالت النيابة بمناقشة الطب الشرعى أرجع سبب الوفاة لإسفكسيا الخنق نتيجة امتداد القصبة الهوائية باللفافة التى ابتلعها الضحية، وهى عبارة عن ورقة مفضضة بداخلها كيس من البلاستيك يحوى نباتاً جافاً يشبه البانجو، تم استخراجها والتحفظ عليها وإرسالها للمعمل الجنائى لفحصها.
طبعاً أنا معنديش تعليق عشان لو علقت ع الكلام دا هتسافل
اصل يا عيني بروح أم الي خلفوهم لو الروايه دي صح
وبلع هو الهباب الي بيقولوا عليه هيبوظ وشه بالشكل دا
يا أخي . . .
___________
تحديث
لم يصدر حتى الآن تقرير الطبيب الشرعي، ولكن ما صدر هو تقرير الإسعاف الذي قالوا فيه إن خالد انتحر نتيجة بلعه قطعة حشيش، وأن به عدة كدمات نتيجة عراكه مع المخبرين، والمخبرين وبعض الشهود قالوا إنه عندما شاهد المخبرين قام ببلع قطعه حشيش واستنجد بالناس، وقام المخبرون بضربه، ولكن التقرير نفى أن تكون الوفاة نتيجة الضرب
. . .
___________
خالد محمد السعيد
أسكندرانى
28 سنة
والده متوفى من و هو عنده 5 سنين
والدته ربة منزل كبيرة فى السن
عنده أخت كبيرة متجوزة و عايشة فى القاهرة
أسمها زهراء
و أخ أكبر ب15 سنة أسمه أحمد و عايش فى أمريكا و معه الجنسية الامريكية
ساكن فى كليوباترا
مخلص ثانوية عامة
و مدخلش جامعة
بس كان مهتم بالمزيكا و الاجهزة و الكمبيوتر
و صاحب مكتب استيراد و تصدير
كان قاعد في سايبر في وقت متاخر بالليل
و دخل بتوع المباحث بيفتشو كل اللي قاعدين باستخدام قانون الطوارئ..
خالد اعترض و قال احنا بنتفتش ليه
كان تمن السؤال البرئ ده ان اتنين مخبرين مسكوه و نزلو في ضرب في المحل و في الشارع و في مدخل عماره جنب السايبر قعدو يرزعو وشه في الرخام بتاع السلم و في مدخل العماره الحديد
و خدو جثته و حطوها في البوكس و بعد 15 دقيقه رجعو رموها ف الشارع و مشيو
كل واحد فينا ممكن يكون خالد
حنسكت ؟
___________
تحديث
أهل خالد وا صحابه والناشطين عملوا أعتصام 12 مساء الخميس 10\6 أمام قسم سيدى جابر
بوجود صحافة و مصورين
و أصدر مأمور القسم بتصريح من الداخليه أمر بضرب و أعتقال كل المعتصمين
و ملمومين كلهم دلوقتى فى قسم سيدي جابر
و من ضمنهم صحافيه شابة و مصور شاب و محامي أتضربوا و كسروا الكاميرات و حبسينهم
أسماء من قاموا بالإعتداء على خالد وقتله
المخبرين : عوض و محمود الفلاح
و ضابط المباحث : أحمد عثمان
من قسم سيدي جابر بالأسكندرية
أهل خالد مش ساكتين و مش هيسكتوا على حقه
___________
[img][ندعوك للتسجيل في المنتدى أو التعريف بنفسك لمعاينة هذا الرابط]
الصورة لخالد وهو يداعب الحياه قبل أن يفارقها
][ندعوك للتسجيل في المنتدى أو التعريف بنفسك لمعاينة هذه الصورة]
بأي ذنب قتلوك يا خالد
خالد قبل أن يدخل إلى قسم الشرطة
[ندعوك للتسجيل في المنتدى أو التعريف بنفسك لمعاينة هذه الصورة]
خالد بعد التعذيب
[ندعوك للتسجيل في المنتدى أو التعريف بنفسك لمعاينة هذه الصورة]
خالد بعد خروجه من القسم
كل جريمة خالد أنه سأل أحد ضباط الشرطة عندما أراد تفتيشه وقال له انت ليه بتفتشني ؟
فتم أقتياده الى القسم وجرى ما جرى
خالد محمد سعيد شاب في مقتبل العمر تم تعذيبه حتى الموت داخل أحد أقسام الشرطة بمحافظة الإسكندرية
ماذا فعل هذا الشاب حتى يتم تعذيبه حتى الموت بهذه الصورة البشعه
وأي حيوان في صورة بشر قام بتعذيبة
لنفترض ان خالد دا ابن ستين في سبعين
ومجرم
مع ان دا محصلش
خالد كله ذنبه
انه سأل ضابط الشرطه وهو بيفتشه انت ليه بتفتشني
فضربه وخده ع القسم واتعملة عليه حفلة تعذيب لحد ما مات
لنفترض بقى انه حرامي
ولا اي حاجه
هل دا يدي الحق لأي ضابط حيوان متنكر في شكل إنسان انه يعذبه بالشكل دا لحد ما يموت
اللي نفسه أفمه ايه هو مبرر الظابط ؟؟؟ يعني كتب ايه في المحضر مش فاهم ؟
كتب ان المواطن ضرب نفسه ؟؟؟
كتب ان جت له أزمة قلبية
ده فجر علني ، مين فاجر ابن فاجر ولا فاجره عمل كده ؟؟؟ انا اعرف ان الضرب عشان ماحدش يمسك حاجة ع الظابط بيكون مؤلم آه بس مش بيسيب أثر ، انما ده مش ضرب دي وحشية ، ده وقع في ايد واحد سادي مجنون ، حد يرد عليا ابوس ايديكم ، الظابط ده لسة بيشتغل ؟؟؟؟ وبرر اللي عمله إزاي ؟؟؟؟؟؟؟؟؟؟
ماحدش يقوللي عيني عينك كده ، مستحيل ، أصلها مالهاش حل ولا ينفع فيها لعب ولا تزوير ، ايه يعني ؟ قال إن فيه قطر دخل القسم وعمل فيه كده ؟؟؟؟ ايه يعني ؟ قال ان قبلة انفجرت في القسم ؟؟؟؟ ياريت الي عند تفاصيل أكتر واسم الحيوان اللي عمل كده يققولنا
في أي بلد محترم كان يجب على الفور أن تستقيل كل الحكومة
وأن تتم محاكمة المسؤلين عن هذه الجريمة النكراء
وعلى رأسهم وزير الداخلية حبيب العادلي
وأن تكون محاكمة الوزير والمسؤلين علنية أمام الشعب
وأن يلقوا أشد العقاب
[ندعوك للتسجيل في المنتدى أو التعريف بنفسك لمعاينة هذه الصورة]
ماذا تريد هذه الحكومة من مصر وشعبها
هل هانت كرامتنا عليهم الى هذا الحد
جريمة مقتل الشاب خالد محمد سعيد لا يجب أن تمر مرور الكرام
يجب أن يستقيل المجرم حبيب العادلي وزير الداخليه على الفور بعد جريمة مقتل الشاب خالد محمد سعيد نتيجة تعذيبة بوحشية داخل أحد أقسم الشرطة بالأسكندرية وأن يقدم هو والمسؤليين عن هذه الجريمة الى محاكمة علنية يحضرها الشعب
الناس مستغربش قوي كده من صور خالد والبشاعة الي فيها
كل شويه حد يقولك انتم متأكدين ان دي صوره؟!
ولانتم لحقتم برضه تنسوا صور طفل شها 12 سنه الي كانت في 2007 بالمنصورة
الي حصله زي كده واكتر برضه
في قسم الشرطه لو نسيتم أفكركم
][ندعوك للتسجيل في المنتدى أو التعريف بنفسك لمعاينة هذه الصورة]
منقوووول
» كل اللى شغلك محتاجه فى موقع الكترونى واحد
» مســـــــابقـــــــــه
» سكربت موقع بيزات للاعلانات المبوبة الاصدار 2.5
» قصيدة العزف على الوتر الأخير للشاعر المرحوم محمد صان الدين
» برنامج مبيعات و مخازن
» الفرق بين التسويق الالكتروني و التسويق الاسترتيجي
» بمناسبة ذكرى وفاة د.ابراهيم الفقي رحمه الله يقدم المركز الكندي منحة ابراهيم الفقي
» عايز تعمل دبلومه دبلومه فنى مساحه – دبلومه فنى انشاءات مدنيه ومعماريه – دبلومه فنى حفر وتكرير البترول – دبلومه اخصائى صيانه حاسب الى وشبكات دبلومه اللحام معتمده من اكاديميه اللحام المصريه ؟
» الحــــــــــــــــــــــــــــــــــــــــــــــــــب
» مطربك بشكل جديد
» ماذا تعرف عن صخرة ديان؟
» تعارف السوهاجيه
» سبحان الله:المدير الفنى لنيوكاسل يطالب ناديه ببناء "مسجد" للاعبيه المسلمين
» حلايب وشلاتين مصرية أم سودانية؟!