منتديات شباب سوهاج

زائرنا الكريم نورت منتدانا ونشكرك على زياراتك
اذا كنت مسجل عضويه هنا مسبقا يرجى الضغط على زر دخول أسفل المربع
واذا كنت غير مسجل مسبقا يرجى الضغط على زر تسجيل
وأملاء البيانات المطلوبه
نشكركم على زيارتكم
منتديات شباب سوهاج

منتديات شباب سوهاج


    يوميات صعيد بيحب بنات استايل جامدة اوى

    شاطر
    avatar
    ابن المراغة
    عضو ذهبى
    عضو ذهبى

    عدد المساهمات : 26
    نقاط : 42
    تاريخ التسجيل : 21/09/2010
    العمر : 29

    يوميات صعيد بيحب بنات استايل جامدة اوى

    مُساهمة من طرف ابن المراغة في الأربعاء 22 سبتمبر 2010, 8:24 pm

    السلام عليكم ورحمة الله وبركاتة

    بصو يا شباب انا انهردة جبتلكم قصة حلوة اوى المهم القصة دى من 30 حلقة لو عجبتكم الحلقة الاولى يبقا هكمل معاكم باقلى الحلاقات اوى

    لكن لو مش عجبتكم بس مئعتقدش لانها هتعجبكم اوى وربنا


    هنسيب القصة تبين بس عاوز ردود علشان اجبلكم باقى الحلقات


    احمد: لو سمحتي حضرتك...ممكن براية
    نور: ههههههههههههههههههههههههههه
    احمد :حضرتك بتضحكي على ايه ممكن اعرف يعني لو سمحتي
    نور : مش عيب شاب في سنك يطلب براية ..ده احنا في جامعة
    احمد : طيب معاكي شفرة...عشان المحاضرة هتبدأ خلاص
    نور : ايييييه..ايه شفرة دي..ممكن تسكت لو سمحت
    احمد : حد معاااااااه براااااااااية....او قلم زيااااااادة..ردوا
    نور: انت اكيد مجنون وطي صوتك الطلبة كلها بتضحك عليك
    احمد :ويضحكوا ليه ولاد الدزمة دووووووووول
    نور: خلاص خلاص انا هنقل المحاضرة وبعدين اديلك تصورها
    احمد :شكرا بس انقلي كويس ..وياريت تنظمي الكراسة

    (اثناء ما المحاضرة شغالة ونور شغالة كتابة واحمد هيموت عشان مش معاه قلم)

    احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة
    نور : انت مالك ومال خطي مش كفاية هديلك تنقل مني وهتعطل انا
    احمد : ليه وانتي عربية اصلك علشان تتعلطي..هما البنات متعطلين خلجة
    نور : انت انسان قليل الادب...بجد مش بتعرف تكلم البنات ازاي
    احمد : لأ يا شيخة والنبي المرة الجاية تبقي تجيبيلي الكتالوج بتاعك

    (نور عشان رقيقة سكتت ومش عرفت ترد على بجاحة احمد وانتهت المحاضرة )

    اثناء خروج الطلبة من المدرج...احمد حب يستظرف بس بطريقة غبية شوية
    احمد وسط حشد من الطلبة بنات وولاد
    وكأنهم قطيع من المواشي
    هررررررررررررررررررر...وضحكته سمعت كل اللي ماشي

    (نور بتحكي مع زميلتها من كلية تانية على احمد )

    نور : بصي يا هالة الولد ده....فضيحة فضيحة يعني...وحكتلها على اللي حصل
    هالة : تلاقيه شاب تحفة...مش باين عليه استايل خالص..ده لابس بدلة وكرافت
    نور : بس تعرفي شكله وسيم اووووي...حاسة انه طيب وعلى سجيته
    هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا
    نور:يا ستي سيبك
    هالة: على رأيك

    خلص اول يوم في الجامعة وقبل النهاية بدقايق

    احمد: يا استاذة يا انسة فين المحاضرة عايز انقلها هاتيها يلا يلا بسرعة
    نور : تنقل ايه يابني دي عشر ورقات غير في رسومات وجداول
    احمد :ومالهم يعني عشر ورجات انتي هتخلفي وعدك ولا ايه
    نور : انا مقلتش كده بس في حاجة اسمها تصوير..اسرع يعني
    احمد: هههههههههههههههههه اصور ايه بخطك الزفت ده..شوفي ...زفت
    نور: حقيقي انا غلطانة وكلام هالة باين عليه صح...بعد اذنك..اوف

    سابته ومشيت .....وقال

    احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

    عاوزين تعرفوا اليوم اللي بعده حصل في ايه
    تابعوا معايا بقى قصة حب احمد الصعيدي ونور البنت الاستايل

    [right]
    avatar
    ابن المراغة
    عضو ذهبى
    عضو ذهبى

    عدد المساهمات : 26
    نقاط : 42
    تاريخ التسجيل : 21/09/2010
    العمر : 29

    رد: يوميات صعيد بيحب بنات استايل جامدة اوى

    مُساهمة من طرف ابن المراغة في الأربعاء 22 سبتمبر 2010, 8:27 pm

    علشان انتو ولاد بلدى انا هجبلكم الحلقة التانية يلا معانا

    الحلقة الثانية
    وجه اليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا احمد ...ماشية عكس خالص...مش عارف يتأقلم عليها

    وتعالوا نشوف الايام والحياة الجامعية هتعمل ايه في احمد وهيتعامل معاها ازاي

    كان ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي الحلقة التانية يا جامدين



    احمد: ديب ديب ديب انتوا يا ناس يللي هنا...افتحوا الباب

    الساعي : يا فتاح يا عليم يا رزاق يا كريم

    احمد: ماترش ميا يا راجل قصاد المدرج عشان تستفتح

    الساعي:يا كابتن المحاضرة لسة الساعة 8 مفيش دخول دلوقت

    احمد:هدخل يعني هدخل..عليا النعمة هدخل هاااا

    الساعي: قفل الباب في وشه ودخل جوا

    احمد : يا ابن الدزمة انت هتضيع عليا المحاضرة شكلك

    احمد: اما اروح اجيب كوباية شاي سخن مولع

    الراجل: تؤمر بأيه يا فندم

    احمد : شاي خمسينة بنعناع

    الراجل: ايه ايه...مفيش نعناع

    احمد: ومفيش نعناع ليه

    الراجل : هو كده مفيش نعناع على الشاي ..النعناع لوحده

    احمد :طيب هات نص كوباية شاي ونص كوباية نعناع

    الراجل: خد فلوسك اهي

    احمد:طب والشاي ابو نعناع فين

    الراجل:اوووف

    احمد:اوووف على دماغك...ابن دزمة صحيح



    كان فات حوالي ساعة ونص وهو واقف في الكافتيريا عشان يشرب شاي

    قرر انه يرجع للمدرج عشان يلحق مكان وبالفعل حجز مكان وخرج تاني عشان

    يجيب شاي من كافتيريا تانية...ونجح انه يجيب المرة دي ..دخل المدرج وفجأة

    لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو

    احمد : بصوت لا يطاق....ايييييييييه ده يا هانم...هي وكالة من غير بواب

    نور :وطي صوتك من فضلك انا بتكلم بهدوء وبأدب

    احمد:هي دي طريجتي..عاجبك ولا مش عاجبك

    نور:طيب انا مش هقوم

    احمد: هروح للعميد يجي يقومك

    نور:ههههههههههههههههههه

    احمد:بتضحكي على ايه يا باردة

    نور: لم نفسك

    احمد: شايفاني مبعتر في الارض ولا اييييييييه

    نور: مش هتحضر...هههههههههههههه

    احمد :عليا الطلاج لأحضر غصب عنك وعن عين والدك....



    وفجأة سمع صوت الدكتور بيناديله ......


    الدكتور:مالك يابني مكشر من اول السنة ليه كده

    احمد :لو سمحت معاك نمرة ماحمول العميد

    الدكتور : ههههههههههه ايوة ليه

    احمد : عاوز اقدم شكوى في البت دي

    نور :متقولش بت

    احمد :هجول بت وستين بت كمان قومي يلا

    الدكتور : بس بقى اخرس شوية يا اما هطردك

    احمد : انا ...تطردني ليييييييه هاتلي مكان سعادتك

    الدكتور : تعالى اعد جنبي هنا على الكرسي ده

    احمد : وااه...اجعد جنبك مرة واحدة يا داكتووور

    الدكتور :ايوة تعالى


    وهو نازل راح وقع الكتاب بتاع نور ورمى اقلامها

    راحت نور ضربته على ضهره..قال ااااااااااااه

    وصوته سمع المدرج كله والكل فضل يضحك عليه


    الدكتور : اطلع برا يلا...مش هتحضر المحاضرة

    احمد : ابوس ايدك يا بيه انا امبارح مكتبتش والنهاردة محضرش...مين يرضى بكده يا ناس

    وهو خارج رمى عينه على نور ولمح فيها نظرة عطف جميلة

    بعد ما المحاضرة انتهت...نور خرجت لأ حمد


    نور :بجد انا اسفة اوووي

    احمد : على ايه بقى ما المحاضرة خلاص

    نور : خد المحاضرة بتاعتي انقلها وانا هستناك

    احمد : بجد بتتكلمي بجد

    نور : ايوة مع انهم اكتر من عشر صفحات بس هستناك

    احمد : متشكر يا مازمازيل نورة

    نور : لأ قول نور بس احنا اصدقاء وابتسمت ومشيت

    احمد عمال ينقل وعمال يقول في سره...خطها زي الزفت

    بس شكلها طيبة جوي....الخط مش كل حاجة في الانسان يعني

    احمد لمح نور وهي جاية وبتبتسم بخجل

    عارفين قلتلو اية ياااااااااااااااااااااااااااااااة

    تابعو معايا وهتعرفو قلتلو اية
    avatar
    المدير العام احمد حافظ
    General manager
    General manager

    عدد المساهمات : 369
    نقاط : 463
    تاريخ التسجيل : 15/04/2010
    العمر : 29
    الموقع : a3a3m.yoo7.com

    رد: يوميات صعيد بيحب بنات استايل جامدة اوى

    مُساهمة من طرف المدير العام احمد حافظ في الثلاثاء 19 أكتوبر 2010, 7:19 am

    هههههههههههههههههههه بجد قصه جامده ومضحكه جدا ومستنين انك تكمل


    ــــ ــــ ــــ ــــ ــــ ــــ ــــ ــــ ــــ ــــ ــــ ــــ ــــ ــــ ــــ ــــ ــــ ــــ

    التوقـــــــــــــــــيع

    ــــ ــــ ــــ ــــ ــــ ــــ ــــ ــــ ــــ ــــ ــــ ــــ ــــ ــــ ــــ ــــ ــــ ــــ
    avatar
    ابن المراغة
    عضو ذهبى
    عضو ذهبى

    عدد المساهمات : 26
    نقاط : 42
    تاريخ التسجيل : 21/09/2010
    العمر : 29

    رد: يوميات صعيد بيحب بنات استايل جامدة اوى

    مُساهمة من طرف ابن المراغة في الإثنين 08 نوفمبر 2010, 1:50 am

    ماشى يا حب علشان خاطرك انتا يا معلم هكمل كمان حلقتين

    المغترب
    عضو جديد
    عضو جديد

    عدد المساهمات : 1
    نقاط : 1
    تاريخ التسجيل : 26/03/2011

    رد: يوميات صعيد بيحب بنات استايل جامدة اوى

    مُساهمة من طرف المغترب في السبت 26 مارس 2011, 2:21 pm

    قصه جميله اوى يا ريت تكملها sunny

      الوقت/التاريخ الآن هو الجمعة 27 أبريل 2018, 4:46 pm